 |
നിലാവൊഴുകുന്ന രാത്രിയില്‍
പ്രേമാതുരയാവും തിങ്കളേ
നോക്കി ഞാന്‍ നില്‍ക്കവേ
ഞാനിന്നണയുന്നു നിന്നരികിലായി
എന്‍ നെറുകയിലുയിരും
മഞ്ഞുതുള്ളിതന്‍ ഈറന്‍
ഇന്നെന്നിലേകുന്നു നിന്‍ സ്പര്‍ശനത്തെ
എന്‍ മുടിയിഴകളിലലയുന്നോരോ
തെന്നലും എന്നിലേകുന്നു നിന്‍ സാമീപ്യം
മിഴികള്‍ക്കിന്നകലെയെങ്കിലുമെന്‍
അകതാരില്‍ ഓരോ ശ്വാസവും നീയാണ്
നീയില്ലാതെന്‍ ജന്മം അപൂര്‍ണ്ണം
നിന്‍മൊഴികളില്ലാതെന്‍ നിമിഷങ്ങളോ
ചന്ദ്രികേ നിന്നെയണയാത്തൊരാ
താരങ്ങള്‍ കണക്കേ അപൂര്‍ണ്ണം
നീയാണെന്‍ ശ്വാസം നീയാണെന്‍ ജീവന്‍
നീയില്ലാതില്ലിനീ ജന്മം.....
|
Friday 21 October 2016
Subscribe to:
Post Comments (Atom)
No comments:
Post a Comment