Friday 21 October 2016
 |
നിലാവൊഴുകുന്ന രാത്രിയില്‍
പ്രേമാതുരയാവും തിങ്കളേ
നോക്കി ഞാന്‍ നില്‍ക്കവേ
ഞാനിന്നണയുന്നു നിന്നരികിലായി
എന്‍ നെറുകയിലുയിരും
മഞ്ഞുതുള്ളിതന്‍ ഈറന്‍
ഇന്നെന്നിലേകുന്നു നിന്‍ സ്പര്‍ശനത്തെ
എന്‍ മുടിയിഴകളിലലയുന്നോരോ
തെന്നലും എന്നിലേകുന്നു നിന്‍ സാമീപ്യം
മിഴികള്‍ക്കിന്നകലെയെങ്കിലുമെന്‍
അകതാരില്‍ ഓരോ ശ്വാസവും നീയാണ്
നീയില്ലാതെന്‍ ജന്മം അപൂര്‍ണ്ണം
നിന്‍മൊഴികളില്ലാതെന്‍ നിമിഷങ്ങളോ
ചന്ദ്രികേ നിന്നെയണയാത്തൊരാ
താരങ്ങള്‍ കണക്കേ അപൂര്‍ണ്ണം
നീയാണെന്‍ ശ്വാസം നീയാണെന്‍ ജീവന്‍
നീയില്ലാതില്ലിനീ ജന്മം.....
|
Thursday 28 July 2016
 |
| വിദൂരതയുടെ യാമങ്ങളില്‍ പോയ് മറഞ്ഞ സൂര്യനായി നിലാപെയ്യും നേരം ഞാന്‍ കാത്തിരുന്നു രാവുണരും നേരം കുളിരേകും മഞ്ഞുതുളളി തന്‍ നറു സ്പര്‍ശമായി നീ എന്നരികില്‍ ചേരവേ ഒരിക്കലും മാഞ്ഞിടല്ലെന്ന് ഒരായിരം വട്ടം കേണു ഞാനെകിലും രാവുറങ്ങും നേരമെന്നെ തനിച്ചാക്കി നീ അകന്നിരുന്നു ബാല്യവുമെന്നെ വിട്ടകന്നു യൗവ്വനമെന്‍ അരികിലെത്തുംനേരം സൂര്യനാളം പോല്‍ എന്നിലേറ്റ പ്രണയവും എനിക്കായി കാതോര്‍ക്കാതകന്നിരുന്നു നക്ഷത്രക്കണ്ണുളോര്‍മകളും ഇരുട്ടിന്‍ നൊമ്പരവുമായി നീ എന്നിലേക്കണയും യാമത്തിനായ് കാത്തിരിക്കവേ ഇന്നെനിക്കറിയില്ല നീ എനിക്കായി നല്‍കിയോരോര്‍മകള്‍ ഇരുട്ടിന്‍ അന്ധതമസ്സോ പ്രഭാതത്തിന്‍ മഞ്ഞുതുള്ളിയോ ഏതുതന്നെകിലും പ്രിയാ നിനക്കായി രാവുണരും വരെ കാത്തിരിപ്പൂ ഒരായിരം സ്വപ്നങ്ങളുമായ്... |
Sunday 17 July 2016
 |
കാറ്റില്‍ പറത്തുന്ന കുമിളകള്‍
കണ്‍കളില്‍ ഹരമേകവേ വാനില്‍ പാറുന്ന പട്ടങ്ങള്‍ മനസ്സിന്‍ ആസ്വാദനമേകിടും ഇവയെ്ക്കല്ലാമൊടുവില്‍ യാഥാര്‍ത്ഥ്യത്തിന്‍ ഭൂവില്‍ നീ പതിയും നേരം അറിഞ്ഞതിനെയെല്ലാം മായയെന്നു ചൊല്ലീടവേ പൊട്ടിയടര്‍ന്ന കുമിളകള്‍ക്കിനിയാ സുവര്‍ണ്ണശോഭ നല്‍കാനാവില്ലാ മുറിവേറ്റു വീണോരാ പട്ടത്തിനീ പാറിപറക്കാനും കഴിയില്ല ഹരങ്ങളും ആസ്വാദനങ്ങളും അണയുമാ വേളയിലേ നീ അറിയൂ നിന്‍ കാല്‍പാദങ്ങളാല്‍ മുറിവേറ്റൊരെന്‍ മനസ്സിനേ... നിന്‍ രസക്കൂട്ടുകളില്‍ എരിഞ്ഞമര്‍ന്ന എന്‍ ഹൃദയത്തെ.. തിരിച്ചറിയുമാ വേളയില്‍ നിന്‍ കൂടെ കരയാന്‍ ആ ഹൃദയമുണ്ടാവില്ലാ... വിദൂരങ്ങളിള്‍ ആ മനസ്സ് നിനക്കായി തേങ്ങുന്നുണ്ടാവും നിനക്കായി കരുതിവച്ച സ്വപ്നങ്ങളുമായി അടുത്ത ജന്മത്തിനായ് കാത്തിരിക്കാം... |
Friday 24 June 2016
 |
| നിനക്കായി ഞാന്‍ നല്‍കിയതൊന്നും കാണാതെ നീ പോയതെന്തേ.. നിനക്കായി ഞാന്‍ നെയ്ത രാവുകള്‍ അറിയാതെ നീ മാഞ്ഞതെന്തേ.. അഴകേ...എന്നഴകേ..... അറിയാതെ നീ അകന്നതെന്തേ... ഒരു വാക്കുപോലും പറയാതെന്നെ പിരിഞ്ഞ പ്രണയമേ... ഒരു നോക്കു കാണാന്‍ കൊതി തോന്നുമെന്‍ ഹൃദയം നിനക്കായി മാത്രമോ... തിരയേതുമകലും മഴയേതുമറയും നിന്നോര്‍മകള്‍ അരികേ... മറയാതെ എന്നും അറിയാതെ എന്നും മനസ്സിന്‍റെ കോണില്‍ നീ ഇവിടെ |
Wednesday 22 June 2016
ഹൃദയതാളം
 | |
| ആരോ പാടിയ പാട്ടിന്റെ ഈണത്തിൽ ശ്രീരാഗമായി ഞാൻ ആരോമീട്ടിയ വീണയിൽ ഉതിരും ഗീതമായി ഞാൻ നോമ്പരമോ തേങ്ങലോ പുഞ്ചിരിയോ മൗനമോ വീണതൻ ശ്രീരാഗമേതനറിവീല്ല മൗനത്തിൽ സ്വരലയമായി എന്നിൽ ഉതിരും നെടുവീർപ്പിന്‍ താളമേതന്നറിവില്ല വിടരുന്ന പൂവിതളും ഉദയസൂര്യനും കിളിനാദമേകവേ അലതല്ലും എൻ ഹൃദയത്തിൻ താളമേതു നൽകൂ ഞാൻ അണയാത്ത ജ്വാലയിൻ തീനാളം കണക്കേ എന്നിലാളും തീനാളത്തിൻ സ്രോതസ്സേതെന്നറിവീല മാസ്മരികയിൽ തൊട്ടുണർത്തും അതിൻ ഗന്ധമേതെന്നറിവീല ആരോ മിട്ടാൻ കൊതിച്ച വീണയും പാടാൻ കൊതിച്ച ഗാനവുമിഴച്ചേരവേ ഞാനിന്നറിയുന്നെനിലേ ഗായകനേ പൂർണ്ണതയികലാഴുകുവാൻ കൊതിക്കുമീ ഹൃദയതാളത്തിനേതുനാദം നൽക്കൂമെന്നറിവീല അഹം പ്രദേഗ്രഹസ്ഥ്യമേന്നേവം നൽകിലേ പൂർണ്ണം ശുഭമേ വൂ.... |
Subscribe to:
Posts (Atom)