എന്നിലെ ഞാൻ ഇന്നെവിടെയാണ് 

മാതൃത്വത്തിൻ നൊവേൻ നെറുകയിൽ 

ചാർത്തിയ ദിനം തൊട്ടെന്നിലെ ഞാൻ 

എവിടെയോ പോയി മറഞ്ഞു. 

കാണ്മതില്ല എവിടെയും. 

തേടി അലയുന്നു ഞാൻ അതെവിടെയോ.

കുന്നോളം ശാഠ്യങ്ങളും  പരിഭവങ്ങളും 

കുന്നികുരുവോളം ആയി പോയി മറഞ്ഞു. 

എന്നിലെ സ്വപ്നങ്ങളേക്കാലേറെ ,

ആ കുഞ്ഞു പുഞ്ചിരിക്കായി മത്സരിക്കുന്നു 

ഞാൻ ഈ നാളേറെയും. 

എന്നിലെ ഞാൻ ഇന്നീ പൈതലാവുന്നു. 

എൻ ലോകം നിൻ പാൽ പുഞ്ചിരിയിൽ അലിഞ്ഞിടുന്നു.